日本花札（花牌）筆記 2 — 花合わせ、八八
下面嘅內容係假定你已經識玩 Koikoi，玩法可以睇返 1：
https://medium.com/@heitung221/820c79a354d2
7月：萩、8月：芒、9月：菊、10月：紅葉、11月：柳／ 雨、12月：桐 （右）
2. 花合わせ (Hana-awase)
花合一般嚟講係三個人玩嘅，場六手七，即係枱上面 6 張牌打開，每人手上有 7 張牌（所以 koikoi 就係場八手八）。
流程嚟講其實都係好似 koikoi 咁，『 「莊」出牌先，出嘅牌同檯面嘅其中一隻牌係同花色嘅話，就可以獲得嗰兩張牌，可以放嚟自己一方嘅檯面，再喺牌堆度拎一隻牌開出嚟，其中一隻牌係同花色嘅話，就可以獲得嗰兩張牌。』（copy 返之前講嘅）。
唔同嘅係，喺花合，每隻牌都會計分，分數就係五光牌 20 點，種 10 點， 短冊 5 點，其他 1 點。玩家亦都唔可以好似 koikoi 咁有「役」就食糊結束一局遊戲，而係要玩到每個人都出晒所有牌再計分。
喺花合都繼續有役，不過都係一種玩法係唔計役，淨係計牌嘅分。呢個玩法叫做「 馬鹿っ花」（傻仔版花合）。
玩完一鋪之後就要計分。
得分 = (自己嘅牌得點合計 — 88) + 役嘅得點×2 — 另外2個人役嘅得點嘅合計
玩十二鋪之後邊個最高分就贏。
花札ゲーム大集合（有唔同玩法）
App Store: https://itunes.apple.com/hk/app/id424377419
Google Play: https://play.google.com/store/apps/details?id=jp.mapp.hanafuda
至於有啲咩役，其實都好睇你玩嘅版本，例如下面嘅就係喺花札ゲーム大集合入面嘅役，應該都算係其中一個典型嘅計法。
- 五光（200 文）：芒上月、松上鶴、 櫻上幕、桐上鳳凰、柳間小野道風
- 四光（60 文）：芒上月、松上鶴、 櫻上幕、桐上鳳凰
- 七短（60 文）：短冊 × 7（除咗柳樹短冊）
- 六短（30 文）：短冊 × 6（除咗柳樹短冊）
- 赤短（40 文）
- 青短（40 文）
- 草 （20 文）：赤短、青短、柳樹短冊以外嗰 3 隻短冊
- 松桐坊主（30 文）：芒上月、松上鶴、桐上鳳凰
- 表菅原（30 文）：松上鶴、 櫻上幕、梅上鶯
- 猪鹿蝶（30 文）
- 飲み（30 文）：芒上月、 櫻上幕、菊上盃
- 花見（20 文）：櫻上幕、菊上盃
- 月見（20 文）：芒上月、菊上盃
- 藤シマ（20 文）：全部藤嘅牌
- 雨シマ（20 文）：全部雨嘅牌
- 桐シマ（20 文）：全部桐嘅牌
3. 八八 (Hachi-hachi)
八八呢個玩法就比上面嘅複雜好多。基本上佢係三至六個人玩嘅。不過多過三個人玩嘅時候就會仲複雜。
首先講三個人玩先啦。
派牌之前莊家可以宣佈「不見転（みずてん）」，如果宣佈咗而佢最後嘅牌拎到 89 分或以上嘅話，其他所有人就要畀 1 貫（即係 10 文 *）莊家。首先每人手上有 7 張牌，場上有 6 張牌。
如果手上啲牌入面有「手役」（某啲特定組合，見下表）嘅話，就可以加返相應手役嘅分數（講真，啲手役其實多到好似台灣麻雀咁，玩得唔夠多嘅話根本唔會記得晒。）。同埋，要將嗰啲牌打開畀其他人睇，之後就開始摸牌。
至於有啲咩役，其實亦都好睇你玩嘅版本，例如下面嘅就係喺花札ゲーム大集合入面嘅役。
「手役」列表：
- 赤（3 貫）：短冊 × 2、素 × 5
- 短一（3 貫）： 短冊 × 1、素 × 6
- 十一（3 貫）： 種 × 1、素 × 6
- 光一（4 貫）： 光牌 × 1、素 × 6
- 空素（4 貫）： 素 × 7
- 素無（4 貫）： 素 × 0
- 立三本 （3 貫）： 菖蒲、藤、萩、桐同月份嘅牌 × 3（如果有桐嘅光牌 就係「三本」）
- 三本（2 貫）：「立三本」以外，同月份嘅牌 × 3
- 喰付（4 貫）：（同月份嘅牌 × 2）× 3
- 手四（4 貫）：同月份嘅牌 × 4
- 二三本（4 貫）：「三本」× 2
- 二立三本（6 貫）：「立三本」× 2
- はねけん （7 貫）：（同月份嘅牌 × 2）× 2 + 「三本」或者「立三本」
- 一二四（8 貫）：同月份嘅牌 × 4 + 同月份嘅牌 × 2
- 四三（20 貫）：同月份嘅牌 × 4 + 同月份嘅牌 × 3
- 抜け （+1 貫）：如果有赤、短一、十一、空素，而得到嘅牌點數多過 88 點就可以加一貫
- 飛び込み （+1 貫）：如果有三本、立三本，完場之後可以拎晒嗰個月份嘅四隻牌，就可以加一貫
拎牌嘅方式就同 Koikoi 一樣，不過同「花合」一樣，每隻牌都會計分，分數都係五光牌 20 點，種 10 點， 短冊 5 點，其他 1 點。
如果拎到嘅牌入面有「出來役」嘅話，就可以食糊。
「出來役」：
- 五光（12 貫）
- 四光（10 貫）
- 七短（10 貫）：短冊 × 7（除咗柳樹短冊）
- 赤短（7 貫）
- 青短（7 貫）
仲有兩個特殊啲嘅：
- 素十六：有 16 隻以上嘅素牌或者雨札牌（12 貫 + 多過 16 隻之後每隻 2 文）
- 二八：有 168 點以上（12 貫 + 多過 168 點之後每點 1 文）
玩完之後計分。
第 1 行係手役，單位係貫。第 2 行嘅出來役就係要有人食得出先會有，好多時都係冇人食玩到最後。第 3 行札點就係拎到嘅牌嘅分數加埋再減 88。第 4 行不見転就喺上面講咗。
如果多過三個人玩嘅話（例如上面個app係 6 個人玩嘅八八），都只會揀三個人玩，但係首先要派完牌畀每個人之後睇下自己手牌，再由 1 號玩家開始決定玩唔玩，如果唔夠人玩嘅話，最尾嗰個就一定要玩，都唔夠人就尾二都要玩，都唔夠就尾三都要。不過唔玩係有代價嘅，第一個唔玩嘅要拎 1 貫出嚟畀贏嗰個，第二個唔玩就要畀 1.5 貫，第三個就畀 2 貫。上面張圖嘅第五行就係呢樣嘢嚟。
調返轉如果已經有三個人玩搞到人哋冇得玩嘅話，而冇得玩嘅人如果有以下情況嘅話就要賠錢（就係上面張圖第六行）：
- 手牌入面所有手役嘅一半點數
- 同「出來役」有關嘅牌每隻 0.3 貫
第七行就要睇嗰一鋪嘅場嘅種類：
- 小場（X 1）：冇光牌
- 大場（X 2）：有芒上月、松上鶴、 櫻上幕是但一隻（如果有兩隻就下一場都係大場，有三隻就下兩場都係大場）
- 絕場（X 4）：有桐上鳳凰、柳間小野道風是但一隻（如果兩隻都有就下一場都係絕場）
- 倍數大嘅場優先，例如上場有桐上鳳凰、柳間小野道風，而今場有芒上月、松上鶴、 櫻上幕是但一隻嘅話都會係絕場（X 4）
玩十二鋪之後邊個最高分就贏。
呢啲遊戲好難揾到人坐埋一齊玩，所以想玩嘅可以去 down 上嗰個 app 就搭緊車冇 data 都可以玩（非廣告）。
* 亦有 1 貫 = 12 文
